MWENGE WAINGIA GEITA, WATARAJIA KUPITIA MIRADI 65 YA SH.BILIONI 32.2

Na Samwel Masunzu-Geita,

Mwenge wa uhuru wa mwaka 2024  umewasili  mkoani Geita  ambapo utakimbizwa mkoani humo kuanzia leo septemba 30 hadi oktoba 5, 2024.

Mwenge huo umepokelewa mkoani Geita na mkuu wa mkoa wa Geita Mhe: Martine Shigela  katika wilaya ya Chato ukitokea mkoa wa  Kagera

Mwenge ukiwa  mkoani Geita utakimbizwa  kilomita 826.6 na kuweka jiwe la msingi kwenye miradi 18, kuzindua miradi 22, kutembelea  na kuona miradi 25 yenye thamani ya shilingi bilioni 32.2

Mkuu wa mkoa wa Geita Mhe: Martine Shigela baada ya kupokea mwenge huo ameukabidhi kwa mkuu wa wilaya ya Chato Louis Peter Bura na jumla ya miradi 10 itapitiwa katika wilaya hiyo

Mkesha wa  mwenge wa uhuru baada ya kukamilisha ratiba ya kukagua nakupitia miradi ya maendeeleo utafanyika katika  kata ya Buseresere wilaya ya Chato  

Kauli mbiu ya mwenge wa mwaka  2024 ni “Tunza mazingira, shiriki uchaguzi wa serikali za mitaa kwa ujenzi wa Taifa endelevu"

Mkuu wa mkoa wa Geita Mhe: Martine Shigela akipokea mwenge kutoka kwa mkuu wa mkoa wa Kagera Hajati Fatma Mwassa. 

 Mwisho