KIONGOZI WA MBIO ZA MWENGE AKABIDHI VIFAA KWA WANAFUNZI WENYE MAHTAJI MAALUMU

Na. Samwel Masunzu Geita

Bukombe, Geita

Kiongozi wa mbio za mwenge wa uhuru mwaka 2024 kitaifa Godfrey Mnzava ametembelea shule ya msingi yenye wanafunzi wenye mahtaji maalumu  ya Ushirombo wilayani Bukombe mkoani Geita na kukabidhi vifaa vya kujifunzia kwa wanafunzi 385.

Mwenge wa uhuru umefika  kwenye shule hiyo  kukagua maendeelo ya mradi wa shule hiyo yenye wanafunzi wenye mahtaji maalumu wanaosoma shuleni hapo.

Kiongozi wa mbio za mwenge Mnzava amekabidhi madafari, kalamu, cherehani pamoja na masweta vitakavyowasaidia wanafunzi wa shule hiyo wakati wa kujifunza.

Mnzava pia ametembelea bustani ya mboga mboga ambayo iliandaliwa na wanafunzi wa shule hiyo kwaajili ya kupata lishe bora na kupongeza jitihada za walimu katika kutoa malezi kwa watoto hao.

Kiongozi wa mbio za mwenge wa uhuru mwaka 2024 kitaifa Godfrey Mnzava alipotembelea bustani ya mboga mboga .

Kwa upande wake mkuu wa kitengo maalumu elimu maalumu wilaya ya Bukombe Joyce Mangi amesema shule hiyo ina wanafunzi 385 wavulana wakiwa ni 192 na wasichana wakiwa ni 193.

Mangi amesema kati ya wanafunzi hao, 116 wana ulemavu wa akili, 54 ni viziwi 155 wana ulemavu wa viungo na 15 wana ualbino

Mwenge wa uhuru   Oktoba 2 umewasili wilayani Mbogwe mkoani Geita ambapo utapitia miradi 9 yenye thamani ya shilingi bilioni 4

Mkuu wa wilaya ya Bukombe Paskasi Buragili ameukabidhi mwenge kwa mkuu wa wilaya ya Mbogwe Sakina Mohamed.

Kiongozi wa mbio za mwenge wa uhuru mwaka 2024 kitaifa Godfrey Mnzava akiwa na baadhi ya wanafunzi wenye mahitaji maalum.

Mwisho