MKUU WA MKO WA GEITA MGUU KWA MGUU KUKAGUA BEI YA SARUJI (CEMENT) KWA WAFANYABIASHARA MJINI GEITA

 

Mkuu wa mkoa wa Geita Mhandis Robert Gabriel amewataka wafanyabiashara wa saruji mkoani Geita kuacha tabia ya kupandisha bei ya bidhaa hiyo kwani kwakufanya hivyo nikwenda kinyume na matakwa ya serikali.

Akiwa katika oparesheni ya kukagua bei ya saruji katika maduka ya vifaa vya ujenzi kwa wafanyabiashara wa halmashauri ya mji wa Geita Novemba  23,2020 Mhandis Robert amebaini uwepo wa ongezeko la bei ya saruji kutoka 19,500 hadi 22,000 bei ambayo imekuwa kandamizi kwa wananchi wenye vipato vidogo.

Mkuu wa mkoa wa Geita Mhandis Robert Gabriel

Mhandis Robert amewataka wafanyabiashara hao kuuza bidhaa  hiyo chini ya shilingi elfu 20 na kwa yeyote atakae kiuka agizo hilo atachukuliwa hatua.

Moja ya duka mjini Geita la uzaji wa saruji likifanyiwa ukaguzi wa bei na Mkuu wa mkoa wa Geita kubaini ongezeko la bei

Akiwa katika oparesheni hiyo Kaimu meneja wa mamlaka ya mapato Tanzania (TRA) Mkoa wa Geita Bw Peter Njau ametumia nafasi hiyo kuwataka wafanyabiashara wote mkoani hapa kuacha tabia ya kujiamulia kuongeza bei za vifaa vya ujenzi  nakuwakumbusha kuendelea kutoa risiti pindi wanapo uza na kununua bidhaa.

Kaimu Meneja wa Mamlaka ya Mapato Tanzania TRA Mkoa wa Geita Bw Peter Njau akiwa katika zoezi la ukaguzi wa bei ya Saruji na Mkuu wa Mkoa

Mmoja wa wafanyabiashara wa saruji katika mji wa Geita Bw Pius Magunja amekiri kuuza saruji mfuko mmoja kwa bei ya shilingi elfu 22,000 nakuahidi kuachana na bei hiyo nakuuza bei inayotakiwa.

Bw Pius Magunja Mfanyabiashara wa Saruji Mjini Geita

Hivi karibuni  akizungumza kwa njia ya video na wakuu wa mikoa wote hapa nchini  WAZIRI MKUU wa Jamhuri ya Muungano wa Tanzania Mhe. Kassim Majaliwa (Mb) aliwaagiza kufanya  ukaguzi kwenye viwanda vya kuzalisha saruji, mawakala, wauzaji wa kati na wadogo wa bidhaa hiyo na wachukue hatua stahiki.

Saruji