KATIBU WA UWT WILAYA YA TANDAHIMBA AWASHA MOTO: "WANAWAKE WA CCM CHUKUENI FOMU ZA KUGOMBEA NAFASI ZA UONGOZI"

KBi. Rehema Athuman Malindi (Katibu wa CCM UWT wilaya Tandahimba) akiwahamasisha wanawake wa kata ya Mndumbwe kujitokeza kuchukua fomu za kugombea nafasi mbali mbali za uongozi katika uchaguzi serikali za mitaa. 

Na Beatus Bihigi - Mtwara.

Bi. Rehema Athuman Malindi  ambaye ni Katibu wa UWT wilaya ya Tandahimba ameamsha ari kwa wanawake wa kata ya Mndumbwe kuelekea zoezi la uboreshaji wa daftari la kudumu la wapiga  kura na uchaguzi wa serikali za mitaa mwaka huu kwa kuwataka wajitokeze kwa wingi bila kuogopa kuchukua fomu za kugombea nafasi mbali mbali za uongozi katika uchaguzi serikali za mitaa. 

" Nimekuja kuwapa ujasiri msiogope kuchukua fomu za kugombea" alisema Malindi. 

Bi. Rehema Athuman Malindi (Katibu wa UWT wilaya Tandahimba) akiwahimiza wanachama wa Chama Cha Mapinduzi kata ya Mndumbwe kujitokeza kwa wingi wakati wa zoezi la uboreshaji daftari la kudumu la wapiga kura. 

Pamoja na mambo mengine aliyozungumzia mesisitiza umoja miongoni mwawanawake akiwaomba wapendane na kama kunamakosa wasameheane ili kuzidi kuimarisha umoja wa wanawake (UWT) wilaya ya Tandahimba. 

Bi. Rehema Athuman Malindi (Katibu wa UWT wilaya Tandahimba) akiwahamasisha UWT kata ya Mndumbwe kupendana na kuendelea kuwa wamoja alipokuwa kwenye ziara yake leo 13 Mei 2024

Katika hali ya kuwaunganisha wananchi na wanachama wa Chama Cha Mapinduzi (CCM) waliohudhuria katika mkutano huo amewakumbusha wanawake wasisahau majukumu yao katika ndoa, wawasaidie waume zao shughuli zote ili kudumisha amani na upendo katika ndoa. 

" Nisisikie ndoa imeharibika ati katibu amesema tukagombee, hapana" alisema Katibu wa UWT wilaya ya Tandahimba Bi. Malindi. 

Katika picha upande wa kushoto ni Saidi Issa Naheru (Mwenykiti wa CCM kata ya Mndumbwe) na upande wa kulia ni Juma C. Mumdedu (Diwani wa kata ya Mndumbwe) wakifuatilia kwa makini hotuba ya Katibu UWT wilaya ya Tandahimba katika ziara yake kata ya Mndumbwe leo 13/05/2024.

Amewasisitiza wanawake kujitokeza kwa wingi kujiandikisha kwenye daftari la kudumu la wapiga kura na kuwahimiza vijana waliotimiza umri wa miaka 18 na kuendelea washiriki kikamilifu katika zoezi la uboreshaji wa daftari la kudumu la wapiga kura. 

Pichani walioketi safu ya mbele wa kwanza kushoto ni Mhe Bi. Alafa Twalib Nakatanda (Mwenykiti UWT wilaya Tandahimba), katikati ni Bi. Amina Bakari (Mwenykiti UWT kata ya Mndumbwe) na wamwisho kulia ni Isabella Blasio Mnyambe (Katibu UWT kata ya Mndumbwe) wakiwa kwenye mkutano kata ya Mndumbwe leo 13/5/2024.

Katibu huyo wa CCM UWT wilaya ya Tandahimba katika ziara yake aliambatana na Mwenykiti wa UWT wilaya ya Tandahimba Mhe Bi. Alafa Twalib Nakatanda, Kisura Salum Namgugu (Mjumbe kamati ya utekelezaji wilaya ya Tandahimba), Asha Yusufu Nampondo (Mjumbe halmashauri kuu CCM wilaya),Somoe Sadick Chivalamba (Mjumbe kamati ya utekelezaji wilaya), Upendo Shaibu Mahundu (Mjumbe kamati ya utekelezaji wilaya) na Sofia Hamisi Chilidu (Mjumbe kamati ya utekelezaji wilaya ya Tandahimba).

Aliyesimama katikati ni Bi Rehema Athuman Malindi Katibu UWT wilaya ya Tandahimba akiwahamasisha wanawake na wanachama wa CCM kata ya Mndumbwe wilayani Tandahimba Mtwara kuchangamkia fursa za uongozi katika uchaguzi wa serikali za mitaa. 

Katika picha katikati ya wajumbe kamati ya utekelezaji wilaya ni Fatuma S. Mkavilima (Katibu UWT kata ya Mdimba) aliefika kwa mwaliko kumsikiliza Katibu UWT wilaya Tandahimba akiwa kata ya Mndumbwe. 

Katikati aliyeshika simu ni Bi. Kisura Salum Namgugu Mjumbe kamati ya utekelezaji UWT wilaya ya Tandahimba, kushoto kwake ni Asha Yusufu Nampondo Mjumbe kamati ya utekelezaji UWT wilaya Tandahimba na kulia kwake ni Isabella Blasio Mnyambe Katibu UWT kata ya Mndumbwe. 

Mwisho